Um mig

Í 23 ár hef ég séð um kerfi fyrir aðra, í orkugeiranum, bönkum og flutningum. Mest af því er vinna sem enginn tekur eftir: afritun, endurheimt, viðbragðsáætlanir og hljóðlátt viðhald sem skiptir bara máli daginn sem eitthvað bilar. Mér líkar það vel. Þegar þjónn hrynur um nótt ræður vinnan frá því fyrir nokkrum mánuðum hvernig morguninn verður.

Microsoft 365, Active Directory og Entra ID eru í miðjunni, og í kring eru sýndarvæðing, Azure, vöktun, sjálfvirkni og Linux. Í regluvörslu vinn ég með ISO 27001, NIS2 og PCI DSS í verki: set upp varnir og tek saman gögn. Öryggisprófanir geri ég bara með skriflegu umfangi og leyfi.

Þú vinnur beint með mér. Ef verkið þarf fleiri hendur eða sérþekkingu fæ ég með mér sérfræðinga sem ég treysti og hef unnið með áður, og segi þér fyrir fram hverjir þeir eru og hvað þeir gera.

Lítil fyrirtæki eru jafn háð tölvukerfunum sínum og þau stóru, en fá sjaldan sömu umhyggju. Ég vil bjóða þeim sömu vönduðu og vel skjöluðu vinnuna og stórfyrirtæki borga fyrir, á verði sem hentar litlum rekstri.

Ég vinn mest í fjarvinnu um alla Evrópu og kem á staðinn þegar þarf, gegn greiðslu.